Maxfiylik siyosati

Hisob uchun: pochta manzilingiz, ismingiz (yozsangiz) va parol xeshi. Parolning o‘zini saqlamaymiz va tiklab bo‘lmaydi.

Kirish uchun: qaysi qurilma va brauzerdan kirganingiz, IP manzil va shahar — bu «Xavfsizlik» bo‘limida sizga ham ko‘rinadi, begona kirishni sezishingiz uchun.

Loyiha uchun: kod manbasi (repozitoriy manzili yoki yuklangan fayllar), qurish jurnallari va saytingizga kunlik tashriflar soni. Tashrif statistikasi shaxsni aniqlamaydi.

To‘lov uchun: qaysi tizim orqali, qancha va qachon to‘laganingiz. Karta raqamingiz bizga umuman kelmaydi — u to‘lov tizimida qoladi.

Siz kiritgan maxfiy qiymatlar (bot tokeni, baza paroli) shifrlangan holda saqlanadi va faqat sizning konteyneringizga uzatiladi. Ularni panelda biz ham ko‘rmaymiz.

Qurish jurnaliga tushib qolmasligi uchun bu qiymatlar jurnaldan avtomatik olib tashlanadi.

Ma’lumotingizni sotmaymiz va reklama uchun bermaymiz.

Platformani yurituvchi xodimlar sizning hisobingizni va loyihalaringiz holatini ko‘radi — bu qo‘llab-quvvatlash uchun kerak. Har bir bunday harakat yozib boriladi.

Uchinchi tomonlar faqat kerak bo‘lganda: to‘lov tizimlari (Payme, Click), sertifikat beruvchi (Let’s Encrypt), server ijarachisi va xabar yuborish uchun Telegram.

Hisobingiz ochiq turgan davrda. Hisobni o‘chirsangiz, loyihalaringiz va fayllaringiz o‘chadi; to‘lov yozuvlari esa buxgalteriya talabi bo‘yicha saqlanadi.

To‘lanmagan loyihaning fayllari to‘xtatilgandan 90 kun keyin o‘chadi.

Ma’lumotingizni so‘rashingiz, tuzattirishingiz yoki o‘chirtirishingiz mumkin. Yozing — javob beramiz.

Telegram: @livops_uz · Pochta: salom@livops.uz