Ommaviy oferta

Biz sizning saytingizni, Telegram botingizni yoki server ilovangizni o‘z serverlarimizda ishga tushiramiz va ishlashini ta’minlaymiz: kodni yig‘amiz, HTTPS sertifikatini olamiz va yangilaymiz, ishlamay qolsa xabar beramiz.

Xizmat sizning kodingizga tegmaydi. Biz uni faqat siz so‘raganda — deploy paytida — yig‘amiz va ishga tushiramiz.

Statik sayt — bepul. Ishlab turgan bot yoki server ilovasi — 99 000 so‘m/oy. Barcha loyihalar uchun bitta narx — 299 000 so‘m/oy. Narxlar kabinetingizda ham ko‘rinadi va o‘zgarsa, oldindan xabar beramiz.

Har bir loyihaning oyi u yaratilgan kundan boshlanadi. Hisob yozilgach to‘lash uchun 10 kun bor.

To‘lov Payme yoki Click orqali, so‘mda. Fiskal chekni to‘lovni qabul qilgan tizim beradi; biz to‘lov nima uchun bo‘lganini tasdiqlovchi ma’lumotnomani kabinetda beramiz.

Hisob muddati o‘tgach 7 kun kutamiz va shu vaqt ichida Telegram va pochta orqali eslatamiz.

Shundan keyin loyiha to‘xtatiladi: sayt ochilmaydi, bot javob bermaydi. Fayllaringiz va versiyalaringiz joyida qoladi — to‘lasangiz loyiha o‘zi qaytadi.

To‘xtatilgandan keyin 90 kun o‘tib fayllar diskdan olinadi, 365 kun o‘tib esa loyihaning o‘zi o‘chiriladi va manzili bo‘shaydi. Har bir qadamdan oldin yozamiz.

To‘lanmagan hisob hisobni o‘chirish bilan yo‘qolmaydi: qarzi bor hisobni o‘chirib bo‘lmaydi.

Qonunga xilof kontent; boshqalarga hujum qilish yoki ularning ma’lumotini o‘g‘irlash uchun mo‘ljallangan dasturlar; spam tarqatuvchi botlar; kriptovalyuta qazish; boshqa mijozlarning ishiga xalaqit beradigan yuklama.

Shunday loyihani topsak, avval yozamiz. Javob bo‘lmasa yoki zarar davom etsa, loyihani to‘xtatamiz — buni har safar sababini yozib qilamiz.

Serverlarimiz ishlashiga va sizning fayllaringiz saqlanishiga javob beramiz. Zaxira nusxa: har bir deploy alohida versiya bo‘lib saqlanadi va istalgan vaqtda ortga qaytarish mumkin.

Sizning kodingizdagi xatolarga, uchinchi tomon xizmatlarining ishlamay qolishiga va sizning hisobingizdan ruxsatsiz foydalanilishiga javob bermaymiz — parolingizni saqlash sizning zimmangizda.

Xizmat bizning aybimiz bilan uzilib qolsa, o‘sha kunlar uchun to‘lov qayta hisoblanadi. Bundan ortiq zarar qoplanmaydi.

Siz istalgan vaqtda loyihani o‘chirib, hisobingizni yopishingiz mumkin. To‘lanmagan hisob bo‘lsa, avval u to‘lanadi.

Biz shartnomani faqat yuqoridagi taqiqlar buzilganda yoki hisob bir yildan ortiq to‘lanmaganda tugatamiz.

Telegram: @livops_uz · Pochta: salom@livops.uz